Ditë e enjte Parlamenti do të votojë nëse do e dërgojë për shqyrtim mandatin e deputetes Olta Xhaçka në Gjykatën Kushtetuese apo jo.

Mësohet se PS dhe PD do të shkojnë me dy raporte në seancën plenare.

Ndërkohë kreu i Grupit të PD-së Gazment Bardhi, në një dalje për mediat u shpreh se deputetët e PS nuk morën ditën e sotme asnjë vendim pasi po presin një urdhër nga kreu i qeverisë Edi Rama.

Mes tjerash, ai theksoi se Rama po i bën mbrojtje Olta Xhaçkës duke theksuar se qëndrimi i mazhorancës hedh në erë parimet e shtetit ligjor.

“Kushtetuta thotë që kur një 1/10 e deputetëve të Kuvendit të Shqipërisë ngrenë një mocion sa i takon papajtueshmërisë së mandatit të një deputeti të Kuvendit të Shqipërisë, Kuvendit është i detyruar që ta dërgojë çështjen për shqyrtim në themel në Gjykatën Kushtetuese. Këtë ka thënë GJK dhe në vendimin për mandatin e Xhaçkës. Qëndrimi i mazhorancës hedh në erë  parimet e shtetit ligjor.

Jam sot në këtë komunikim për të sqaruar opinionin publik mbi strategjinë që kanë deputetët e mazhorancës në këtë çështje dhe së dyti për të denoncuar mbrojtjen  politike që Rama po i bën Xhaçkës.  Nuk morën dot asnjë vendim. Ata nuk morën ende sinjalin. I vetmi që mund të urdhëroj se si ata votojnë është Edi Rama”-tha ai.

LEXONI GJITHASHTU: 

• Ukraina njofton se ka rrëzuar 17 dronë rus
• Varhelyi: Gjeopolitika ka ndryshuar, në interes të BE që zgjerimi të jetë së shpejti