Mandatimi i qeverisë së re, Rama mbërrin në Presidencë

Kryeministri Edi Rama ka mbërritur rreth mesditës në Presidencë, aty ku u prit nga presidenti Bajram Begaj i cili si kreu i shtetit do të mandatojë Ramën si kryeministër.

Gazetarja Enkelejda Mema shpjegoi procedurën që ndiqet deri në dekretimin dhe më pas betimin e kabinetit Rama 4 në Presidencë.

“Është një bisedë që do zhvillohet mes Ramës dhe Begajt për t’u mandatuar ai si kryeministër i qeverisë së re. Më pas me mandatin e tij si kryeministër, Rama duhet ose të kthehet vetë në Presidencë ose me postë të dërgojë dekretet e ministrave të rinj. Me marrjen e këtyre dekreteve presidenti do marrë kohën e vet të bëjë verifikimin e pastërtisë së figurës për ministrat e propozuar. Pas verifikimit të figurës dekrete duhet të firmosen nga Begaj, nëse nuk ka kundërshtim dhe dërgohen në Parlament, javën e ardhme bëhet votimi i kabinetit të ri qeveritar, të cilët më pas do shkojnë në Presidencë dhe të kryejnë betimi me dorë në Kushtetutë”, tregoi gazetarja Mema.

LEXONI GJITHASHTU:

• Rama përdor ministren IA për të sulmuar opozitën: Diella pa Parlamentin e më tha…
• Kush ikën dhe kush vjen në qeverinë “Rama 4”