Ministri i Drejtësisë Ulsi Manja ka mbajtur fjalën në Kongresin e PS në Pallatin e Kongreseve.

Ai theksoi se do të angazhohen fuqimisht për çdo kërkesë të sistemit të drejtësisë për të kountribuar në garantimin e të drejtës.

Më tej ai theksoi se kanë nisur një proces pilotimi të zbatimit të Inteligjencës Artificiale në procesin e hartimit të legjislacionit në Shqipëri si dhe pastrimit të legjislacionit.

“Do të angazhohemi fuqimisht për çdo kërkesë të sistemit të drejtësisë për të kountribuar në garantimin e të drejtës për një gjykim të drejtë përmes shkurtimit të kohës gjykimit të kohës në Gjykatë. Kështu kostoja në kohë e para për palët në gjykim do të reduktohet ndjeshëm. Qytetarët presin të marrin atë drejtësi që mungon prej kohësh. Shqipëria e 2030, Evropa e Ballkanit, na kërkon të ecim me hapin e kohës dhe në procesin e ligjbërjes.

Kemi nisur një proces pilotimi të zbatimit të Inteligjencës Artificiale në procesin e hartimit të legjislacionit në Shqipëri si dhe pastrimit të legjislacionit për të shmangur çdo mbivendosje e për të vendosur standarde unike në ligj-hartim. Në këtë proces modernizimi, të vendosim dhe të zbatojmë  standardet evropiane këtu në shtëpinë tonë”-tha Manja.

LEXONI GJITHASHTU: 

• I akuzuar për trafik droge, ish-truproja e Tahirit rekurs në Gjykatën e Lartë
• Pakti i miqësisë Greqi-Turqi, gazetari: Nuk është paqe, çfarë u arrit