Gazetari Etmond Guri tha për Euronews Albania se duket se mes Turqisë dhe Greqisë ka një koordinim shumë të mirë dhe pozitive.

Sipas tij takimi mes dy liderëve Erdogan dhe Mitsotakis është përfolur me tone mjaft pozitive në mediat greke, ku disa prej tyre kanë cilësuar këtë fazë të re të marrëdhënies mes dy vendeve si një dashuri e re. Ai tha gjithashtu se në kontekstin diplomatik, duket se paqja do të jetë afatgjatë.

“Në media është folur edhe për një dashuri të re Greqi-Turqi. Gjithsesi është shumë pozitive dhe duket një koordinim shumë i mirë mes dy vendeve dhe një pozicionim apo një deklaratë publike mes dy liderëve të mirëmenduar, të dakordësuar mes dy palëve që u paraqit në skenë. Vërtetë kemi një fazë të re të marrëdhënieve mes dy vendeve.

Nëse e shikojmë në kontekstin diplomatik duket se kemi paqe afatgjatë sepse nuk kemi qasje në çështje shumë të nxehta që janë çështjet e zonës ekonomike dhe të kufijve detar. Por duke qenë se kemi një rifreskim të marrëdhënieve mes dy vendeve, firmosjen e shumë dakordësive si në turizëm, tregti, apo bashkëpunimet në kulturë dhe në arsim, apo minoritet në dy vendet. Është një qasje shumë pozitive nga ana e Greqisë e cila është shumë më hermetike, për këto çështje, por duket se dy vendet e kanë gjetur gjuhën e komunikimit ”,-tha Etmond Guri.

LEXONI GJITHASHTU:

• “Rritëm tregtinë dypalëshe”, Erdogan në Greqi: Të gjejmë zgjidhjen për Qipron
• Tensionet Greqi-Turqi, Erdogan “zbarkon në Athinë”, paralajmërimi për Mitsotakis