Manjani “godet” Apelin: Gjykatë fashiste. Berisha nuk ka mundësi regjistrimi

Ish-ministri i Drejtësisë Ylli Manjani tha në një intervistë për Euronews Albani se vendimi i Gjykatës së Apelit ndaj PD të drejtuar nga Sali Berisha është tregues i një sistemi fashist.

Sipas Manjanit me këtë vendim po i mohohet pjesëmarrja në zgjedhje partisë së dytë më të madhe në vend.

“Çështja nuk është tek autorizimi apo kryetari, por që partia politike e dyta më e madhe në vend e ka të pamundur të marrë pjesë në zgjedhje. Nëse ka skema dhe gjykata që ndalojnë pjesëmarrjen në zgjedhje, këtu nuk kemi më të bëjmë në sistemin demokratik por në një sistem fashist. PD e Sali Berishës nuk ka asnjë mundësi të regjistrohet si parti e demokratëve shqiptarë, këtë mundësi ia ka hequr pushteti”, tha Manjani.

LEXONI GJITHASHTU:

• KQZ njeh Bashën si kryetar të PD-së, Meta: Çmenduri e regjimit të Ramës
• “Lojëra politike”- PD dhe Rithemelimi përplasen në KQZ. Sefa: Ka folur gjykata