KQZ njeh Bashën si kryetar të PD-së, Meta: Çmenduri e regjimit të Ramës

Kryetari i Partisë së Lirisë, Ilir Meta ka reaguar në lidhje me vendimin e KQZ-së, që i dha 48 orë kohë Lulzim Bashës, për të regjistruar Partinë Demokratike në zgjedhjet lokale të 14 majit.

Në një konferencë për shtyp, Meta u shpreh se kjo është një çmenduri e regjimit të kyeministrit Edi Rama.

“Qëndrimi im është dhe mbetet një, respekti i vullnetit dhe anëtareve të PD i cili është demonstruar në mënyrë publike dhe transparente përmes foltoreve dhe në zgjedhjet e pjesshme të 6 marsit të vitit të kaluar. Po ashtu është demonstruar dhe nga akti që PD ka marrë. Çmenduritë e regjimit të Ramës i di çdo qytetar i Shqipërisë, përfshirë socialistët e ndershëm, por i dinë më mirë dhe të gjithë demokratët.

Mënyrën sesi ai pengoi regjistrimin e gjykatës dhe lojërat e tanishme. Më 14 maj, Partia e Lirisë dhe opozita e vërtetë do të jetë atje, te kutitë e votimit. Më 14 maj asnjë votë nuk do të preket. Nëse dikush guxon ta prekë do mbajë përgjegjësi”, theksoi ai.

LEXONI GJITHASHTU

• A rrezikon sanksione nga SHBA nëse bën koalicion me Berishën? Ja si përgjigjet Meta
• KQZ refuzoi kërkesën, Qori: Si do regjistrohet “Lëvizja Bashkë” në zgjedhje
• KQZ “rrëzon” Berishën, i jep 48 orë kohë Bashës për regjistrimin e PD në zgjedhje