Manxhari: Refuzoj kategorikisht që shqetësimi kryesor të jetë paga e pedagogëve

Pedagogia Mimoza Haxhari thotë se paga nuk mund të jetë shqetësimi kryesor i pedagogëve, të cilët prej disa ditësh kanë dalë në protestë dhe kanë bojkotuar mësimin.

Në emisionin “Good Morning Albanians” në Euronews Albania, Haxhari u shpreh se e mbështet protestën dhe nënvizoi se arsimi është në gjendjen më kritike që ka qenë ndonjëherë.

“Unë kam shprehur reagimin tim personal dhe mënyrën se si personalisht e konceptoj rolin që ka arsimi në jetën shoqërore. Nuk është në jetën individuale të atyre personave që frekuentojnë dhe ndjekin bankat e shkollës, por është obligim për të gjithë shoqërinë. Unë nuk jam organizatore e protestës, por e përqafova protestën.

Refuzoj në mënyrë kategorike, elementi financiar është i rëndësishëm, pa burimet financiare nuk mund të garantosh mundësinë e jetesës, por u bashkova me këtë protestë. Arsimi është në gjendjen më kritike që ka qenë ndonjëherë”, theksoi ajo.

Universiteti i Mjekësisë ka vendosur për rritjen e pagave të personelit akademik në kufirin maksimal të përcaktuar në vendimin e Këshillit të Ministrave të datës 5 tetor 2002, ku parashikohet rritja e pagës me 7% nga buxheti i shtetit dhe 8% nga universitetet.

Sipas vendimit të Bordit të Administrimit të këtij universiteti, efektet financiare për çdo nivel page mbi kufirin minimal deri në kufirin maksimal do të mbulohen nga të ardhurat e Universitetit të Mjekësisë, Tiranë.

LEXONI GJITHASHTU

• Pedagogia e mjekësisë: Nuk ia vlen ta bësh këtë profesion në Shqipëri

• Pedagogët, reagon Ministria e Arsimit: Kërkesat po diskutohen, pagat rriten deri 15%

• Pedagogët, nga protesta në forum, Kovaçi: Rektorët të mos fshihen pas titullit