Maqedonia e Veriut raporton 13 humbje jete nga COVID-19

Maqedonia e Veriut po përballet me një rritje të numrit të pacientëve që humbin jetën si pasojë e COVID-19.

Ministria e Shëndetësisë thekson se 13 persona kanë ndërruar jetë, ndërsa janë zbuluar 14 raste të reja nga 1489 testime të bëra.

Kryeqyteti i vendit raporton numri më të lartë të personave të prekur nga coronavirus, ku nga 14 raste të gjetura në 24 orët e fundit, 10 prej tyre i përkasin Shkupit.

Institucionet shëndetësore thonë se listës totale të të shëruarve i janë shtuar edhe 103 pacientë.

Në më shumë se një vit epidemi, Maqedonia e Veriut bën të ditur se 5.342 qytetarë nuk kanë arritur dot të mposhtin virusin vdekjeprurës.

Ashtu si vendet e tjera të rajonit, edhe Maqedonia e Veriut vijon procesin e vaksinimit për të frenuar valën e përhapjes së infeksionit në popullatë.

Epidemia COVID-19 ka shkaktuar probleme të theksuara në sektorët ekonomisë, të cilët në përpjekje për të ulur infektimet kanë shkurtuar veprimtarinë prodhuese dhe kjo ka ndikuar drejtpërdrejt në uljen e xhirove financiare.