Maqedonia e Veriut, teste COVID-19 për gjithë nxënësit në shkollat e vendit

1323 nxënës janë testuar në shkollat e Maqedonisë së Veriut dhe 6 prej tyre kanë rezultuar pozitiv me COVID-19.

Të infektuarit janë nxënës të shkollës fillore.

Ministria e Shëndetësisë njoftoi se testimi për të identifikuar infektimet do të përfshijë rreth 8.000 nxënës në gjithë shtetin dhe ky proces do të jetë pasqyrë për autoritetet arsimore që të mund të organizojnë mësimin gjatë gjysmës së vitit të ardhshëm.

Testimi do të mbarojë nesër në shumicën e qyteteve ndërsa rezultatet e plota do të dalin gjatë javës së ardhshme.

Për momentin 885 fëmijë në moshë nga 0-17 vjeç  janë të infektuar me COVID-19 dhe po marrin mjekim ndërsa 15 të tjerë sapo kanë marrë konfirmimin se janë pozitiv ndaj virusit.

Në Institutin për Sëmundje të Mushkërive për Fëmijë janë shtruar 19 fëmijë nga 9 deri në 16 vjeç. Prej tyre vetëm njëri është në oksigjen. Asnjëri prej fëmijëve të infektuar nuk ka qenë i vaksinuar.

Deri tani 5.800 fëmijë në moshë 12 deri në 17 vjeç kanë marrë të paktën një dozë vaksine, ndërsa dy dozat i kanë marrë 4.860 fëmijë.

LEXONI GJITHASHTU: 

• Nis vaksinimi i mjekëve me dozën e tretë
• Kosova miraton vaksinimin e fëmijëve kundër COVID-19
• Asnjë kontroll në universitete për certifikatën e vaksinimit