Marrëdhënia me kolegët pozitive gjatë 2022, Keta: Efekt post-covid

Pedagogia Majlinda Keta, tha se marrëdhënia me kolegët ka qenë pozitive pas vitit 2022.

E ftuar në emisionin “Baromentri” në Euronews Albania, Keta mendon se Covid-19 ka ndikuar shumë tek sjelljet e njerëzve pasi dolën nga izolimi.

“Janë refleksione post-covid. Mos harroni që një vit përpara ne kemi qenë gjysma online. Ky ishte viti që dolëm në territor dhe kam bindjen se është refleksion i kësaj gjëje.”- tha ajo.

2022 ka rezultuar një vit i mirë për marrëdhëniet në shumë dimensione nga partnerët tek kolegët për shqiptarët, këtë e vërteton sondazhi i kryer nga Barometri në Euronews Albania.

Të pyetur se si i kanë pasur marrëdhëniet me partnerët e tyre, 78.1% e shqiptarëve janë përgjigjur se kanë patur marrëdhënie të mira dhe vetëm 3% jo të mira, ndërsa 4.8% e tyre kanë pasur marrëdhënie as të mira, as të këqija.

Grupmosha që ka pasur marrëdhënie më të mira me partnerin, është grupmosha 35-44 vjeç me 90.7%, pasuar nga 55-64 vjeçarët me 89.1%, 45-54 vjeçarët me 85.6%, 65-75 vjeçarët me 84.3%, 25-34 vjeçarët me 74.9 dhe më pak marrëdhënie të mira me partnerët kanë patur 18-24 vjeçarët me 37%.

Marëdhënie të mira, shqiptarët gjatë këtij viti kanë pasur edhe me miqtë dhe kolegët. 91.8% e tyre kanë shkuar mirë gjatë 2022 dhe vetëm 1.2% nuk kanë patur marrëdhënie të mira, ndërsa 6.6% kanë pasur marrëdhënie as të mira, as të këqija.

LEXONI GJITHASHTU: 

• Çfarë dëshirojnë nga viti i ardhshëm? Pritshmëritë e shqiptarëve për 2023-shin 
• Luarasi: Ka familje të pasura ekstremisht të dhunshme
• Pakoja e ndihmës, Rama: Mbi 6 mijë mësues do të përfitojnë mbi 20 mijë lekë të reja