Deputetët demokrat Enkelejd Alibeaj dhe Flutura Açka janë pyetur jashtë ambienteve të parlamentit lidhur me marrëveshjen e Partisë Demokratike dhe Partisë Socialiste për reformën zgjedhore.
Alibeaj është treguar i ashpër në fjalët e tij ku tha se deputetët nuk duhet ti lëpihen kryetarëve ndaj duhen listat e hapura. Ai e ka cilësuar marrëveshjen si fundin e moralit politik dhe rënien e maskave.
“Mirë është që deputetët të mos lëpijnë atë që s’thuhet të kryetarëve. Ky është nderi që duhet ti bëjmë shqiptarëve. Sot do të shihni se kush do të lëpihet, sot ose nesër. Kjo tregon fundin e moralitetit politik dhe rënien e maskave, siç tha Flutura”, -tha Alibeaj.
Deputetja Açka tha se kjo marrëveshje ishte shumë tronditëse për të ndaj edhe u tërhoq nga grupi parlamentar i Partisë Demokratike.
“Për mua është shumë tronditëse sepse kemi kaq kohë që themi, listat e hapura, tu japim një mundësi shqiptarëve që të zgjedhin vetë dhe në ditën e fundit, orën e fundit, mbyllen listat. Nëse do ishte Shqipëria një zonë listat e hapur, unë do konkurroja edhe vetëm. Po u hapën deri në momentin e fundit, do jem në garë e pavarur”,-tha Flutura Açka.
