“Marrëveshje finale me Serbinë”, Maliqi: Jemi të lodhur nga tensionet në veri

Analistja Afërdita Maliqi u shpreh në një intervistë për Euronews Albania se duhet një marrëveshje finale me Serbinë, pasi qytetarët kosovarë janë lodhur nga situata dhe tensionet e krijuara në veri të Mitrovicës.

Maliqi nënvizoi se pritet të këtë sërish trazira në veri të vendit, pasi situata atje nuk është e qetë.

“Unë e kam parashikuar që do të ketë trazira në momentin kur janë tërhequr policia dhe organet në veri të vendit. Situata në çdo moment mund të tensionohet. Situata nuk është e qetë dhe nuk është e mirë. Është investuar shumë nga organet në Kosovë dhe ndërkombëtarët që të serbët në veri të Kosovës të integrohen.

Ata që monitorohen nga Beogradi janë në gjendje kurdo. Jemi lodhur si popull ne me trazira. Të gjithë e dimë se çështja në veri është çështje politike. Jemi lodhur nga veriu duhet të zgjidhet njëherë e mirë çështja me Serbinë. Na duhet një marrëveshje finale me Serbinë”, u shpreh ajo.

LEXONI GJITHASHTU:

• I dënuar me 12 vite burg, arrestohet i riu, pritet të ekstradohet drejt Italisë
• Dritan Sula kandidati i PD-së në bashkinë Dimal
• Arrestohet 35-vjeçari, kërcënoi një person për t’i marrë 400 mijë lekë