Masakra e Lushnjës, Orges Bilbili kërkon pafajësinë

Orges Bilbili, i dënuar me burg për jetë nga Gjykata e Posaçme për vrasjen e dyfishtë në Lushnjë, i është drejtuar Apelit të Posaçëm me kërkesë për pafajësi.

Bilbili dhe Anterio Kaloshi u shpallën fajtor nga Gjykata për vrasjen Zamir Latifit, Jurgen Hoxhës dhe plagosjen e dy personave të tjerë në Lushnjë në 2017-ën në bazë të disa pamjeve filmike dhe dëshmive të të afërmve të viktimave.

Ndërkohë, Bilbili mori pafajësi për dyshimet se ishte përfshirë në atentatin ndaj nipit të Aldo Bares, Xhulio Shkurtit.

Orges Bilbili u arrestua më 10 prill të vitit 2020 në Tiranë. Ai ishte i armatosur dhe ka dyshime se po përgatitjes për të kryer një vrasje.

Për kapjen e Bilbilit, policia kishte vendosur një shpërblim financiar prej 50 mijë euro, për këdo që jepte informacion të saktë për këtë shtetas.

LEXONI GJITHASHTU:

• Arrestime me dron, baza ku fshihej i shumëkërkuari në Linzë
• SPAK kërkon burg përjetë për të akuzuarit e masakrës së Lushnjës (Foto ekskluzive e Orges Bilbilit nga burgu)
• Burg për rivalin e Aldo Bares, masa e sigurisë iu komunikua në Spitalin e Traumës