Masakra në Klos, Leki: Vajzën e ka kapluar frika, rrjetet sociale po dëmtojnë rininë

Psikologia Marsela Leki, ka komentuar tragjedinë e ndodhur pak ditë më parë në Klos, ku humbën jetën tre persona.

Në një intervistë për Euronews Albania, ajo u shpreh se nëse do të ishte kërkuar ndihma e psikologut dhe nëse rasti do ishte denoncuar në polici, masakra do të shmangej.

Më tej ajo u shpreh se e mitura e cila dyshohet të jetë  dhe ‘molla e sherrit’ është kapluar nga frika dhe nuk ka pasur guximin të flasë për të treguar nëse shantazhohet apo se po flet me dikë.

“Jam e  bindur se nëse do ishte kërkuar ndihma e psikologut në shkollë do të kishte një neutralizim të situatës.

Adoleshenten e ka kapluar dhe frika e mentalitetit, frika e familjarëve, e komunitetit, shkollave e shumë gjërave të tjera. Kemi parë raste që janë shantazhuar nëpërmjet rrjeteve sociale, por në këtë rast vajzën e ka kapluar frika dhe nuk ka pasur guximin të reagojë për asnjë lloj situatë, as se është e shtantazhuar, as se është e dashuruar dhe as se ka një lidhje”- theksoi ajo.

E pyetur se si mund të parandalohen ngjarje të tilla, psikologia theksoi: Pikësëpari ne duhet të kulturojmë familjet, duhet të hiqet mentaliteti dhe kultura patriarkale që ne na ka mbetur akoma. Të kishte ndodhur kjo në një vend europian kjo nuk kishte shanse që të ndodhte. Nëna duhet të jetë më e lidhur me vajzën. Nuk e kuptoj një vajzë 16-17 vjeçe me rrjete sociale. Vajzat dhe djemtë kanë dy tre profile në rrjetet sociale, rinia po i jep më shumë përparësi rrjeteve sociale, sesa jetës së tyre të përditshme.

LEXONI GJITHASHTU: 

• “Ngjarja në Klos dramatike”, aktivistja: Nëna e ka tabu të flasë me vajzën
• Masakra me 3 viktima në Klos, vëllai i autorit: Mes familjeve mund të lind hasmëria
• Vëllai i autorit të masakrës në Klos tregon si është gjendja e vajzës