Mashtrim kompjuterik ndaj italianëve, arrestohen vëllezërit, pritet ekstradimi

Policia e Shtetit ekzekutoi masat e arrestit të lëshuara pas një procedimi të SPAK për dy vëllezër të cilët dyshohen se me anë të mashtrimit kompjuterik kundrejt shtetasve italianë kanë përfituar shuma deri në 4 000 000 euro.

Të arrestuarit janë Alban dhe Shkëlzen Sinanaj të cilët akuzohen për veprat penale “Mashtrimi kompjuterik”, kryer më shumë se një herë, dhe “Pastrimi i produkteve të veprës penale ose të veprimtarisë kriminale“ dhe po kryhen procedurat me partnerët italianë, për ekstradimin e tyre drejt Italisë.

Njoftimi i policisë

Finalizohet operacioni policor i koduar “Double click”. Operacioni, nga Drejtoria për Hetimin e Krimeve Kompjuterike dhe nga Drejtoria e Forcës së Pocaçme Operacionale, në kuadër të një procedimi penal të SPAK-ut.

Akuzohen se kanë kryer mashtrim kompjuterik ndaj shtetasve italianë, prej të cilit kanë realizuar fitime rreth 4 000 000 euro, arrestohen me qëllim ekstradimin në Itali, 2 shtetas(vëllezër).

Gjatë operacionit “Double click”, u kapën dhe u vunë në pranga shtetasit A. S., 32 vjeç, banues në Vlorë dhe Sh. S., 42 vjeç, banues në Tiranë. Këta shtetas akuzohen për veprat penale “Mashtrimi kompjuterik”, kryer më shumë se një herë, dhe “Pastrimi i produkteve të veprës penale ose të veprimtarisë kriminale“.

Vijon bashkëpunimi me partnerët italianë, për ekstradimin e 2 shtetasve.

LEXONI GJITHASHTU:

• Krijuan skemë mashtrimi me call center, dërgohet për gjykim izraeliti e 38 shqiptarë
• U kap në anijen me 1 mld euro kokainë, gjykata italiane jep dënimin për shqiptarin