Mbajti mbyllur gruan me kamera, mjekja: Nëna me besim të verbër te Asqeri Mandri

Mjekja psikiatre Irena Thoma është shprehur se mendimet e dikujt mund të ndikojnë edhe te pjesëtarët e tjerë të familjes.

Komentet Thoma i bëri në emisionin “Good Morning Albanians” në Euronews, ku komentoi rastin në Tiranë ku bashkëshortja akuzoi Asqeri Mandrin se e dhunonte dhe e mbante të mbyllur në shtëpi me kamera.

Ajo tha se nëna e Mandrit mund të ketë pasur besim të verbër te djali i saj, ose ka pasur konflikte të vazhdueshme me nusen, gjë që ka çuar që ajo të mbështesë atë kundrejt bashkëshortes.

“Mendimet e tij mund të ndikojnë edhe pjesëtarë të tjerë të familjes dhe ne ksaj i themi psikozë e induktuar. Më të induktuar janë ata që kanë një besim të verbër te pjesëtari i familjes, ose ata që kanë nivel më të ulët inteligjence.

Në rastin konkret, frikërat e vjehrrës mund të lidhen me situata të caktuara stresante për shkak të konflikteve e mosmarrëveshjes që mund të kenë shfaqur në familje, problematika e djalit në marrëdhënie me gruan, gjendja e rënduar e psikologjike e djalit, etj.

Nuk është e thënë që të induktohet prikoza te të gjithë anëtarët e familjes. Në rastin e bashkëshortes, ajo mund të jetë në të njëjtin nivel intelektual dhe e bën dallimin që nuk ka lidhje me të vërtetën dhe realitetin dhe kërkon ndihmën”, tha Thoma.

LEXONI GJITHASHTU:

• Gazetarja: Vjehrra tha se nusja tradhtonte djalin ndaj i vuri kamera në shtëpi
• “Ka foto që e ke tradhtuar”|Gruaja ndryshon dëshminë për burrin: Kamerat i vura vetë