“Mban armën në brez”, gazetari zbulon foto të Gjergj Laçit nga shtëpia

Gazetari i Euronews Albania, Eni Ferhati zbuloi në “Now me Erla Mëhillin” një foto që gruaja e Gjergj Laçit i ka bërë të shoqit me kurriz.

Ai duket i ulur dhe në brez dallohet qartë arma me të cilën kërcënon familjen që ka mbajtur të ngujuar për 6 vite.

Sipas gazetarit ky duhet vlerësuar jo vetëm si rast i izoluar, për aq kohë sa pak kilometra larg qendrës së kryeqytetit, në zonën e 5 Majit jeton një njeri i tillë problematik.

Ferhati tha se nuk dinte të ndante radikalizmin fetar nga problemet mendore, ndërsa kujtoi dhe kontaktin e parë të Laçit me policinë në vitin 2013 ku rezultoi i dehur.

Gjykata e Tiranës ka caktuar masën arrest në burg për Gjergj Laçin i cili akuzohet së ka mbajtur të ngujuar familjen e tij për 6 vite.

Në seance 52-vjeçari ka pretenduar se nuk ka ushtruar dhunë ndaj dy djemve dhe gruas dhe se nuk i ka penguar që të dalin jashtë.

Sa i takon mos dërgimit në shkollë të fëmijëve ai ka deklaruar se nuk kanë pasur nevojë ndërsa për fishekët dhe thikat është shprehur se i mbante për punë.

LEXONI GJITHASHTU:

• Burg për radikalin, Gjergj Laçi mohon akuzat
• Kush është Gjergj Laçi, radikali që terrorizonte banorët e ‘5 Majit’
• Motra e radikalit fetar tregon çfarë i tha kunati i Gjergj Laçit