Mbappe përplaset me Enrique, francezi i pakënaqur me rolin e tij

Marrëdhënia Mbappe-PSG vijon të jetë e krisur, e duket se gjetja e gjuhës së përbashkët është e pamundur.

Sipas mediave franceze, përplasjet tashmë kanë vijuar edhe me trajnerin Luis Enrique, me këtë të fundit i cili ka ndryshuar pozicion në fushë të sulmuesit.

24-vjecari preferon që të vendoset në të majtë të sulmit, ndërsa spanjolli e vendos në qendër, duke preferuar në vendin e tij Kolo Muani. Kaq ka mjaftuar që Mbappe të shpërthejë ndaj Luis Enriques, duke i kujtuar se nga fundi i sezonit është lojtar i lirë.

Në këtë pikë, duhet ndërhyrja e drejtuesve të skuadrës, të cilët nuk dëshirojnë që lojtari më i vlefshëm i ekipit të largohet. Presidenti Al Khelaiffi ka pohuar se Mbappe nuk do të largohet me parametra zero, por do ti ofrohet një rinovim kontrate, edhe pse arritja e marrëveshjes duket e pamundur.

Kujtojmë se Mbappe e ka shprehur dëshirën e tij për tju bashkuar Realit të Madridit, me këta të fundit që janë të gatshëm ti gjejnë një vend në formacionin titullar. Nga janari i 2024-ës, menaxheri i kampionit të botës mund të venodsë kontaktet me skuadrat e interesuara, ndërsa ofertat nuk kanë munguar as nga Arabia Saudite.

LEXONI GJITHASHTU:

• Mbappe rikthehet me dopietë, PSG merr fitoren e parë, Marseja mposht Brest 2-0
• Sot trofeu i Topit të Artë, a do mund Haaland dhe Mbappe të triumfojnë ndaj Messit