‘Mbështetemi nga SHBA’, Pampuri: Reflektim nga të pezulluarit, të kthehen në parti

“Kemi mbështetjen e aleatit tonë strategjik, SHBA-së”. Kështu deklaroi deputetja e PD-së Orjola Pampuri për emisionin ‘Mirëmëngjes’ në Euronews Albania teksa komentoi zhvillimet e fundit politike në selinë blu.

“Pse duhet të zgjidhim gjërat trup më trup kur kemi ligje. Dje Eskobar bëri të qartë gjithçka. Pse duhet të vijojmë? Ku është parë që të dilet kundër asaj që një aleat kaq i rëndësishëm strategjik, si SHBA thekson. Kjo për mua për busull orientimi dhe nuk mund t’i devijoj”, u shpreh deputetja.

Sa i përket pezullimeve të fundit nga Kryesia e PD-së, deputetja tha se të pezulluarit duhet të reflektojnë dhe të kthehen në parti.

“Kjo situatë nuk është në favor të PD-së, kjo është logjike. Hap pas hapi do të kthjellohet gjithçka.  Kemi nisur të rindërtojmë diçka e cila ngrihet përmes punës, përmes jo-korrupsionit, përmes figurave shumë të pastra të përfshira në PD”, përfundoi ajo.

LEXONI GJITHASHTU:

• Deputetja Pampuri: Berisha të merrte godinë tjetër derisa të dalë vendimi i gjykatës