Mbledhja e gjyqtarëve, Sadushi: Hapi i parë i domosdoshëm për ndryshim real

Kreu i Gjykatës së Lartë, Sokol Sadushi gjatë fjalës së tij pas mbledhjes së gjyqtarëve u shpreh se sot është folur mungesën e sigurisë dhe heshtjen institucionale që sipas tij i ka lënë të pambrojtur. Ai theksoi se sot është bërë hapi i parë ku kërkojnë mbrojtjen e gjyqësorit dhe kërkojnë përgjegjësi nga ata që kanë detyrimin të sigurojnë funksionimin e drejtësisë.

“Ne nuk jemi mbledhur për të ndarë dhimbjen por për mungesën e sigurisë, kushteve, fyerjeve të përditshme dhe për heshtjen institucionale që na ka lënë të pambrojtur. Pas shumë kohësh kemi folur bashkë si trupë, kjo është forca jonë. Deklarata e sotme është më shumë se një tekst solem, është një kontratë morale që i propozojmë shoqërisë, institucioneve dhe shtetit, në të është shënuar qartë vendosëm për të mbrojtur gjyqësorin dhe gjyqtarin dhe për të kërkuar përgjegjësi qe kanë detyrimin për të siguruar funksionimin e drejtësisë.

Është një mesazh për Këshillin e Lartë Gjyqësor që të marrë rolin që i jep Kushtetua dhe për ekzekutivin dhe legjistlativin, nuk mund të funksionojë me kushtet e braktisjes. Në këto momente dua të ndalemi për një çast përpara kujtimit të kolegut tonë që ra në krye të detyrës.

Jeta e tij u ndërpre dhunshëm dhe duhet të mbetet një kujtesës e gjallë se drejtësia kërkon guxim, përkushtim dhe ndershmëri deri në fund. Sot kemi bërë hapin e parë të domosdoshëm, e kemi të dhënë të vërtetën pa frikë, nga nesër detyra jonë është që kjo mbledhje mos të mbetet një kujtim solemn por një pikënisje për një ndryshim real,” u shpreh Sadushi.