Mbledhja e grupit të PS dhe qeverisë, Rama debat me Spiropalin

Ka përfunduar pas 6 orësh mbledhja e grupit parlamentar të PS dhe kabinetit qeveritar në Pallatin e Brigadave. Burime bëjnë me dije se në mbledhje ka patur edhe një moment tensioni mes kryeministrit Rama dhe ish-ministres së Jashtme, Elisa Spiropali.

Burime per Euronews Albania bëjnë me dije se në momentin kur po raportonte mbi strategjinë e komunikimit, ministrja e shtetit për marrëdhëniet me parlamentin, Erjona Ismaili deputetja Spiropali ka qeshur dhe vetë Isamili i është drejtuar “Zonja Spiropali nuk e di çfarë ka për të qeshur”.

Në këtë moment ka ndërhyrë kryeministri Rama i cili i është drejtuar Spiropalit duke i thënë “ti në prezencën time nuk komunikon, sidomos kur unë jam këtu”.

Në komunikimin 3-4 minuta mes Ramës dhe Spiropalit, burimet bëjnë me dije se kryeministri Rama i është drejtuar duke i thënë deputetes, “mos më bëj të flasë se mund të tregoj gjëra që s’të pëlqejnë, hesht.”

Ndërsa Elisa Spiropali i është kundërpërgjigjur duke i thënë se nëse ka diçka për të thënë ta thojë.

“Do të nxjerr jashtë e do marr masa. Mos më provoko më”, mësohet t’i ketë thënë Rama-Spiropalit.

Në mbledhjen e grupit parlamentar janë prezantuar gjithashtu edhe 4 variante të mundshme të ndarjes së re territoriale të vendit. Prezantimet janë bërë që nga ndarja e dikurshme e Shqipërisë në 36 rrethe e deri tek varianti i ndarjes së vendit në 4 rajone.