Mbledhja e përbashkët e dy qeverive, Rama pritet me nderime shtetërore në Podgoricë

Kryeministri Edi Rama është pritur me nderime shtetërore gjatë vizitës së tij në Podgoricë, ku pritet të mbahet sot mbledhja e përbashkët mes qeverive të Shqipoërisë dhe Malit të Zi.

Kjo shënon dhe mbledhjen e dytë të qeverive mes dy vendeve fqinje.

Mbledhja e përbashkët në kryeqytetin malazez do t’i hapë rrugë ndërtimit të një dogane të re në Shën Nikollë-Pulaj dhe një ure mbi lumin e Bunës që do të afrojë dy vendet.

Këto janë 2 prej 9 marrëveshjeve që do të firmosen nga Rama e Abazovic.

Të tjerat që do të nënshkruhen nga ministrat respektivë përfshijnë memorandume në fushën e energjsë, mbrojtjes, peshkimit, bujqësisë, arsimit, sportit e kulturës.

Fqinjësia e mirë me Malin e Zi është bërë shkas që edhe më herët të bashkpëunohet për ndërtimin e infrastrukturës në rrugë, hekurudhë, mbrojtjen e gjuhës shqipe apo njohjen e ndërsjellë të lejeve të drejtimit.

Megjithë raportet e ngushta, Mali i Zi nuk e ka përqafuar ende nismën e Ballkanit të Hapur, ku palë janë bërë deri më tani Serbia, Shqipëria dhe Maqedonia e Veriut.

LEXONI GJITHASHTU:

• “Përballja” finale në Bruksel, Kurti e Vuçiç vendosin sot për planin franko-gjerman
• Takimi me Kurtin, Vuçiç: Në Bruksel do t’i përmbahemi vijave të kuqe për Kosovën
• A do të arrijnë një marrëveshje Kurti dhe Vuçiç? Flet ish-ministri i Jashtëm