Mbledhja e qeverisë, Rama ngre dolli me ujin e ftohtë të Tepelenës

Kreu i qeverisë Edi Rama ndodhet në Tepelenë, aty ku do të mbahet për dy ditë mbledhja informale e kabinetit qeveritar.

Por së fundmi numri një i qeverisë ka ndarë një video në rrjetet sociale, teksa ngre dolli me ujin e ftohtë të Tepelenës.

“Uji i ftohtë i Tepelenës, vajza e Tepelenës, djemtë e Tepelenës. I dini  kaçak por ja ku janë alamet djemsh. Hajde gëzuar me ujin e Tepelenës, të na rrojë Tepelena turistike që vetëm zhvillohet dhe është bërë një magnet që vetëm thith njerëz që vijnë për ta shijuar”-tha Rama.

Pak më parë kreu i qeverisë ndau dhe fotot me kabinetin qeveritar ndërsa shtoi se po përgatiten për sezonin e ri politik.

LEXONI GJITHASHTU: 

• Shqiptarët duan integrimin në BE, serbët, kosovarët pak entuziast për anëtarësimin
• Grushti i shtetit në Niger, roja presidenciale shpall veten udhëheqës të vendit