Mbledhja e qeverive Shqipëri-RMV, Rama: Finalizojmë një sërë marrëveshjesh

Qeveria e Maqedonisë së Veriut ka zbardhur agjendën e mbledhjes së përbashkët me qeverinë e Shqipërisë, e cila do të zhvillohet këtë të hënë në Shkup.

Fillimisht do të ketë një pritje zyrtare të kryeministrit Edi Rama nga homologu Dimitar Kovaçevski, çka do të pasohet nga një takim mes dy kryeministrave.

Më pas, në sallën solemne në Qeverinë e Republikës së Maqedonisë së Veriut fillon mbledhja ndërqeveritare, ku fjalime zyrtare do të kenë kryeministrat e dy vendeve.

Në mbledhjen ndërqeveritare do të mbahet edhe ceremonia e nënshkrimit të marrëveshjeve dhe memorandumeve nga ana e ministrave të dy qeverive me qëllim të thellimit të bashkëpunimit mes dy vendet.

Në mesditë, Rama dhe Kovaçevski do të mbajnë konferencën e përbashkët për shtyp.

Përmes një postimi në faqen e vet në Facebook, kryeministri Rama shprehet se do të finalizohen një sërë marrëveshjesh e memorandumesh ndërqeveritare Shqipëri – Maqedoni e Veriut.

LEXONI GJITHASHTU:

• Berisha nga protesta: Bota na sheh si njerëzit e gomoneve, fajtor është Rama
• ‘Të largojmë sulltanin Rama’. Bumçi flet para protestës: I frikësohet protestuesve