Mblidhet komisioni për reformën zgjedhore, Gjiknuri: Drafti të jetë konsensual, do ia çojmë KE-së

Është mbledhur të premten Komisioni për Reformën Zgjedhore. Gjatë fjalës së tij, bashkëkryetari i këtij komisioni, Damian Gjiknuri, i cili përfaqëson PS-në, theksoi se Produkti i këtij komisioni do të bëhet në bashkëpunim me OSBE/ODIHR, dhe do t’i çohet Komisionit Europian.

Sipas Gjinurit, drafti duhet të jetë konsensual mes mazhorancës dhe opozitës.

“Brenda dy javësh të krijojmë kushtet për një tryezë me të gjitha partitë për ligjin për financimin e partive politike. Produkti i këtij komisioni do të bëhet në bashkëpunim me OSBE/ODIHR, dhe do t’i çohet Komisionit Europian. Drafti do duhet të jetë konsensual”, tha Gjiknuri.

Sipas Oerd Bylykbashit, bashkëkryetari demokrat i komisionit, nuk duhet “të të përsëritet ajo që ndodhi në vitin 2020, kur dakordësitë e arritura u prishën dhe në parlament u votua diçka tjetër”.