“Mbretëreshë..”, Dudaj sjellë për herë të parë letrat e Nanos nga burgu për Rexhinën

Botuesja Arlinda Dudaj ka ndarë për herë të parë në emisionin “Review” me Greta Topjanën fragmente nga letrat e dashurisë që Fatos Nano i ka shkruar Rexhina Nanos, duke zbuluar anën më të ndjeshme dhe njerëzore të liderit historik të Partisë Socialiste.

Dudaj rrëfeu se letrat, të transkriptuara saktësisht siç janë shkruar nga vetë Nano, përmbajnë një përzierje dashurie dhe dhimbjeje, të cilat ai i shkruante gjatë kohës së burgosjes së tij.

Ajo theksoi se në rreshtat e tij shfaqet qartë forca shpirtërore dhe ndjenjat e thella për bashkëshorten, ndërsa zbuloi se një prej letrave, me datë 1 prill 1994, ishte shkruar vetëm dy ditë para se të shpallej vendimi i dënimit të tij.

“Letrat janë shumë të bukura, edhe mënyra sesi shkruan Nano sepse janë të transkriptuara siç i ka shkruar vetë ai. Ka dashuri dhe dhimbje brenda tyre, edhe letra drejtuar anëtarëve të partisë, shumë letra kanë qenë edhe të fshehta. Duket qartë që ka qenë një moment kur Fatosi vuante në burg por mënyra sesi ai shkruan tregon për forcën e madhe të tij.

Një nga letrat e Nanos dedikuar Rexhinës, ishte më datë 01.04.1994 dhe dy ditë pas këtij takimi dhe kësaj letre, u dha vendimi dhe ai u dënua.

Ai ishte në burg, po ka një lloj agrisiviteti në rreshtat e tij dhe është normale, por prap duket qartë shpirti i bukur i tij, shkruan shumë bukur…”, tha Dudaj.

LEXONI GJITHASHTU:

• Nga dashuria, PS-ja, ndryshimi e divorci/Dudaj: Çfarë shkroi Rexhina për Fatos Nanon
• Spartak Ngjela: Është turp që Fatos Nano u varros në varre publike…