Mbretëria e Bashkuar mund të dislokojë trupa ushtarake në Ukrainë

Trupat e Mbretërisë së Bashkuar mund të dislokohen në Ukrainë për të ofruar trajnime për forcat ukrainase, tha Sekretari britanik i Mbrojtjes, John Healey, gjatë vizitws nw Ukrainë të mërkurën. Healey theksoi se Mbretëria e Bashkuar duhet të ofrojë trajnime më të përshtatshme për nevojat aktuale të forcave ukrainase.

Kwtw tw enjte, Britania njoftoi se do të dërgonte 225 milionë paund shtesë në formë pajisjesh ushtarake për të ndihmuar Ukrainën në përpjekjet e saj për të përballuar pushtimin rus. Healey shtoi se Mbretëria e Bashkuar ka një plan me pesë pika për të rritur mbështetjen, duke përfshirë trajnimin, armët dhe ndihmën financiare.

Ndërkohë, në një intervistë për Sky News, zëvendëskryeministri britanik, David Lammy, tha se Vladimir Putin nuk është një lider me të cilin mund të negociohet, duke theksuar se do të ishte e pamundur të arrihej një marrëveshje me të.

Spekulimet rreth një angazhimi të mundshëm ndërkombëtar në Ukrainë po shtohen, ndërkohë që liderët evropianë diskutuan në Bruksel për pozicionin e sigurisë pas luftës. Presidenti ukrainas, Volodymyr Zelenskyy, zhvilloi diskutime me presidentin francez, Emmanuel Macron, rreth propozimit të këtij të fundit për dërgimin e trupave ndërkombëtare në Ukrainë si një hap drejt arritjes së një paqeje të qëndrueshme.

Zelenskyy tha se të dy liderët ndajnë një vizion të përbashkët për sigurinë dhe se garancitë e besueshme janë thelbësore për një paqe të mundshme dhe të qëndrueshme. Ai gjithashtu njoftoi se kishte pasur bisedime në Bruksel me liderë të tjerë, duke përfshirë Sekretarin e Përgjithshëm të NATO-s, Mark Rutte, për sigurinë e Ukrainës dhe perspektivat e ardhshme.

Megjithatë, Zelenskyy pranoi se Ukraina nuk ka mundësi të tërheqë trupat ruse nga territoret e pushtuara në lindje të vendit dhe në Krime, duke sugjeruar se një marrëveshje armëpushimi mund të jetë e mundur në kushte të caktuara.

LEXONI GJITHASHTU:

• Putin sfidon SHBA-të: Hajdeni bëjmë një eksperiment, ne gadasim me Oreshnik, ju…
• “Situata në Ukrainë po ndryshon dramatikisht”- Putin mban konferencën vjetore