Mbrojtja e Vjosës, Rama: Është hartuar Plani i Menaxhimit për Parkun Kombëtar

Kryeministri Edi Rama është shprehur se është hedhur një tjetër hap i rëndësishëm për mbrojtjen e lumit të Vjosës, pasi është hartuar Plani i Menaxhimit për Parkun Kombëtar si një punë e kujdesshme dhe intensive nga Agjencia Kombëtare e Zonave të Mbrojtura dhe ekspertët ndërkombëtarë të IUCN.

Lajmin e ka bërë të ditur vetë Rama përmes një postimi në Facebook, ku ka shkruar se ky plan është gati për t’u konsultuar në publik.

Rama tha gjithashtu se është radha e komuniteteve lokale që të gëzojnë të parët frytet e parkut të ri.

Reagimi i Ramës:

Hedhim një tjetër hap të rëndësishëm në mbrojtjen e lumit të Vjosës, i fundmi lum i egër në Europë, ku tanimë është hartuar Plani i Menaxhimit për Parkun Kombëtar si një punë e kujdesshme dhe intensive nga Agjencia Kombëtare e Zonave të Mbrojtura dhe ekspertët ndërkombëtarë të IUCN, duke qenë GATI për t’u konsultuar në PUBLIK📕🗣️

Është radha e komuniteteve lokale, atyre që jetojnë aty e do t’i gëzojnë të parët frytet e parkut të ri, të bashkojnë zërin në planin për menaxhimin të Vjosës e cila mbrohet si Park Kombëtar në 480 km vijë lumorë, në 12.000 hektarë sipërfaqe, me të tre degët e saj, nga hyrja në territorin e Shqipërisë e deri në grykëderdhje … e për të gjithë ata që i fryjnë një tymi pa zjarr se grykëderdhja e Vjosës është lënë jashtë kufijve të mbrojtjes, e kundërta është e vërtetë, se është dyfish Zonë e Mbrojtur si pjesë e Parkut Kombëtar Lumi Vjosa dhe si pjesë e Peizazhit të Mbrojtur Pishë Poro-Nartë për rëndësinë e jashtëzakonshme natyrore🦩🌲

Dëgjesat publike për ata që dinë të dëgjojnë do të mbahen në Fier, Vlorë e Gjirokastër më 22 dhe 23 maj👂🤝🌊

LEXONI GJITHASHTU:

• Lumi Vjosa Park Kombëtar, Leonardo Di Caprio: Do të rrjedhë i lirë përgjithmonë
• Lumi Vjosa del nga shtrati, prurja më e madhe e ujit në 50 vitet e fundit