Mbyllet numërimi në Pogradec/ PS ruan avantazhin, PD ndjek me diferencë

Ka përfunduar numërimi i votave në Bashkinë e Pogradecit, ku janë numëruar gjithsej 106 kuti votimi.

Rezultatet tregojnë një fitore për Partinë Socialiste, e cila ka marrë 14,178 vota, duke përfaqësuar 54.31% të totalit.

Në vend të dytë renditet Koalicioni Partia Demokratike – Aleanca për Shqipërinë Madhështore, me 8,776 vota ose 33.62%.

Edhe pse në ndjekje, diferenca mbetet e konsiderueshme, duke konfirmuar epërsinë e PS edhe në këtë bashki.

Ndër subjektet e tjera, Koalicioni Nisma Shqipëria Bëhet ka siguruar 1,349 vota (5.17%), ndërsa Partia Mundësia ka marrë 747 vota (2.86%). Partia Koalicioni Euroatlantik ka arritur 355 vota (1.36%), dhe Partia Socialdemokrate ka marrë 247 vota (0.95%).

Të gjitha partitë e tjera kanë marrë më pak se 1% të votave. Lëvizja Bashkë ka marrë 237 vota (0.91%), Koalicioni Djathtas për Zhvillim 107 vota (0.41%), Partia Aleanca Kombëtare Shqiptare 47 vota (0.18%), Aleanca Demokracia e Re 26 vota (0.10%) dhe Lëvizja Atdheu 38 vota (0.15%).

LEXONI GJITHASHTU:

• Mbyllet procesi i votimit në paraburgimin e Vlorës, ja cila forcë politike kryeson
• Partia Demokratike përmbys rezultatin në Lezhë, ndryshon ndarja e mandateve