Mbyllet seanca për ndryshimet statutore në PD/ Palë në proces Bardhi dhe Rithemelimi

Këtë të enjte u zhvillua në Gjykatën e Tiranës seanca gjyqësore në lidhje me kërkesën e PD-së për të regjistruar ndryshimet statutore që u bënë në Kuvendin Kombëtar të PD-së, që u mbajt më 2 shtator të këtij viti.

Çështja u shqyrtua nga gjykatësi Niko Rapi. Palë në këtë proces është dhe Rithemelimi, pasi ka kërkuar që gjykata të mos e regjistroje statutin e ri të kryedemokratit Basha pa u shqyrtuar çështja në themel.

Në këtë seancë togat e zeza njohën si palë të tretë përfaqësuesin ligjor të Gazment Bardhit dhe Rithemelimin.

Në lidhje me palën e tretë, gjykata vendosi të legjitimojë në proces avokatët Marash Logu dhe Redi Ramaj. Ndërsa përfaqësuesit e Rithemelimit, Çlirim Gjata dhe Franci Nuri, nuk u pranuan për shkak se nuk kane tagrat e duhur te përfaqësimit.

Seanca e radhës do të mbahet më 25 tetor.

LEXONI GJITHASHTU:

• Sarandë/ Lihen në burg 3 nga zyrtarët e IVMT, 3 të tjerë në “Arrest shtëpie”
• Sulçe: Policët e rendit nuk e kanë kulturën e gjobave, nuk duhet t’i vendosin ata