Mbyllja e qeverisë amerikane, reagon Ambasada e SHBA-s në Tiranë

Pas mbylljes së qeverisë federale në Shtetet e Bashkuara për shkak të mungesës së miratimit të fondeve buxhetore, Ambasada Amerikane në Tiranë ka reaguar përmes një njoftimi zyrtar në rrjetet sociale.

Në deklaratë, Ambasada bën me dije se përditësimet në llogarinë zyrtare në Facebook do të jenë të kufizuara, përveç rasteve të informacioneve urgjente që lidhen me çështje sigurie.

“Për shkak të vonesës në miratimin e fondeve buxhetore, kjo llogari në Facebook nuk do të përditësohet rregullisht, me përjashtim të informacioneve urgjente për çështjet e sigurisë, derisa të rinisë veprimtaria e rregullt. Gjatë kësaj kohe, shërbimet e planifikuara të pasaportave dhe vizave për tranzit në Shtetet e Bashkuara dhe në ambasadat e konsullatat jashtë vendit do të vazhdojnë sipas mundësive. Për më shumë informacion mbi shërbimet tona dhe statusin operativ, vizitoni: travel.state.gov”, shkroi Ambasada.

LEXONI GJITHASHTU:

• Kandidati për Tiranën/ PD bisedon me aleatët, priten takime me Shehajn dhe Shabanin
• Mbyllja e qeverisë/ Trump kërcënon të pushojë nga puna mbështetësit e demokratëve