“Me 8 miliard euro në vit mundet dhe Trumpi”, kandidatët e PD dhe PS debat mes tyre

Në emisionin “Now” në Euronews Albania u zhvillua një debat i ashpër mes kandidatëve të rinj të Partisë Demokratike dhe Partisë Socialiste . Florian Pullazi dhe Besart Xhaferri shkëmbyen qëndrime të forta mbi çështje politike dhe reformën në drejtësi.

Gjatë debatit, kandidati i PS-së, Florian Pullazi, theksoi se reforma në drejtësi është një krenari për partinë e tij.

I pyetur nëse Partia Socialiste do të përballet me një kosto elektorale, për shkak të hetimeve të SPAK ndaj disa zyrtarëve të saj, përfshirë Erion Veliajn, Xhaferri u shpreh se këtë do ta vendosin qytetarët. Sipas tij, PS ka nisur fushatën prej muajsh dhe ka zhvilluar takime të shumta në terren.

“PS e ka krenari që ka bërë reformën në drejtësi. Sa i përket hetimeve këtë e dinë qytetarët. PS ka disa muaj që është në fushatë. Takimet në terren i ka realizuar disa muaj përpara, dhe po prap ka disa muaj që ka filluar organizimin e saj elektoral.

Nga ana tjetër, Besart Xhaferri, kryetar i Forumit Rinor të PD-së dhe kandidat për deputet në Tiranë, hodhi akuza ndaj PS-së për financimin e fushatës.

“Ju keni 8 miliardë euro në vit, me aq para mund të mundni edhe Trump-in,” tha Xhaferri.

Pavarësisht akuzave, Pullazi mbrojti qëndrimin e PS-së, duke theksuar se pa kontributin e kësaj partie reforma në drejtësi nuk do të ishte realizuar.

“PS është ajo që miratoi reformën në drejtësi dhe mbështet të gjitha institucionet e drejtësisë,” u shpreh ai.

LEXONI GJITHASHTU:

• “E bletë partinë pasi humbët vulën”, Kapri përplaset ashpër me Jupin
• Rama kthehet në Athinë për votën e diasporës, zbulohet data e takimit të tretë