Me arsenal armësh në makinë, arrestohet 45-vjeçari çek në Morinë

Policia në pikën kufitare të Morinës ka arrestuar një shtetas çek i cili po tentonte të trafikonte armë në Shqipëri. Në pranga u vu shtetasi . B., 45 vjeç, banues në Republikën e Çekisë

U sekuestruan 1 armë zjarri pistoletë me fishekë në të, municion luftarak, 7 armë të ftohta, 2 bombola me lëndë të dëmshme (sprajt irritues) dhe një automjet tip “Land Rover”.

“Gjatë operacionit, në hyrje të Republikës së Shqipërisë, shërbimet e Policisë Kufitare kanë ndaluar për kontroll shtetasin çek M. B., që drejtonte një automjet tip “Land Rover”. Gjatë kontrollit fizik dhe kontrollit në automjet, shërbimet e Policisë kanë gjetur dhe sekuestruar: 1 armë zjarri pistoletë të mbushur me fishekë, municion luftarak për këtë lloj arme dhe armë të tjera, 4 thika, 2 biçakë, 1 sëpatë brezi dhe 2 bombola me lëndë të dëmshme (sprajt irritues)”, bëri me dije policia.

LEXONI GJITHASHTU:

• Tentoi të fuste ilaçe kontrabandë, arrestohet 54-vjeçari në Morinë
• Bllokohen kamionët në Morinë, krijohen radhë të gjata në pikën doganore