Një 54-vjeçar është vënë në pranga nga Policia Kukës, pasi u kap duke transportuar me autobus medikamente të ndryshme, me vlerë 15 000 eurove.

Në pranga u vu shtetasi M. H., 54 vjeç, banues në Kosovë, pronar i autobusit të linjës Prishtinë -Tiranë, në të cilën u gjetën medikamentet që do të kontrabandoheshin në Shqipëri.

“Gjatë operacionit, në hyrje të PKK Morinë, si rezultat i kontrollit të ushtruar nga shërbimet e DVP Kukës, në bashkëpunim me autoritetet doganore në Morinë, në autobusin në pronësi të shtetasit M. H. u gjetën dhe u sekuestruan në cilësinë e provës materiale 15 kuti me medikamente të ndryshme (mallra për të cilat paguhet akcizë), me vlerë 15 000 euro. Në përfundim të veprimeve u arrestua në flagrancë shtetasi M. H., 54 vjeç, banues në Kosovë, pronar i autobusit të linjës Prishtinë -Tiranë, në të cilën u gjetën medikamentet që do të kontrabandoheshin në Shqipëri”, bëri me dije policia.

LEXONI GJITHASHTU:

• EMRI| Bëri shkelje në tendera, arrestohet ish-drejtori i burgut në Lushnjë
• EMRI| Mbi 250 mijë euro të fshehura në makinë, 58-vjeçari arrestohet në Durrës