“Më ka skaduar ID”- Tensione në Himarë, qytetarja: Nuk më lejojnë të votoj

Tensione në një qendër votimi në Himarë, ku po mbahen zgjedhjet për kryebashkiakun e ri.

Sipas burimeve për Euronews Albania, bëhet me dije se debatet janë zhvilluar për shkak se nuk janë lejuar të votojnë qytetarët që u kanë skaduar kartat e identitetit.

Po ashtu bëhet me dije se për shkak të këtyre debateve, është pezulluar përkohësisht votimi në qendrën e votimit 4588/1, por ka rinisur sërish.

Mësohet se janë afro 100 raste në të cilat ka pasur mjete identifikimi të skaduara.

Ndërkohë një grua është shprehur se nuk është lënë të votojnë për shkak të skadimit të kartës së identitetit. Ajo tha se e drejta e votës nuk mohoet në asnjë vend të botës, për shkak të skadimit të ID.

“Pash se kishte skaduar karta. Më nxori kuponin të votoj dhe nuk më la kryetari. E drejta e votës nuk humbet kur skadon karta, kudo në botë. Shkon në Polici e merr një letër. Këtu thonë se nuk mund të votojë. Po ta humbas sot kartën? Nuk do votoj”, tha gruaja.

Kujtojmë se përballë njëri-tjetrit sot në Himarë garojnë Vangjel Tavo i PS përballë Petro Gjikurisë së opozitës.

LEXONI GJITHASHTU:

• Zgjedhjet në Himarë, Policia: Kemi marrë në ruajtje të gjitha qendrat e votimit
• Pezullohet votimi në një qendër në Himarë, nuk lejohen personat me ID të skaduara