Me pranga poshtë xhaketës, Ilir Beqja rikthehet në Kuvend për të dëshmuar

Ish-ministri Beqaj është paraqitur sërish në Kryesinë e Kuvendit këtë të mërkurë për të dhënë dëshminë e lënë përgjysmë ditën e djeshme në Komisionin hetimor për Sterilizimin dhe Check up.

Ditën e djeshme për 9 orë me radhë PD dhe PS debatuan e ngritën tonet pasi ish-ministri kërkonte që dëshminë e tij ta konkretizonte me materiale në powrpoint, gjë që nuk u lejua nga kryetarja e komisionit Albana Vokshi.

Më kërkesë të Plarent Ndrecës dëshmia u shty për këtë të mërkurë të 13 nëntorit.

Ish-ministri i Shëndetësisë u rikthye në Kuvend me pranga në duar rreth orës 10:30, i rrethuar nga policë, por i kujdesshëm që prangat të cilat i rrethonin duart, t’i mbulonte me xhaketë për t’i shpëtuar syrit të medias.

Kujtojmë se anëtarët e PD në komisionin hetimor të shëndetësisë kanë thirrur për të dëshmuar në komision edhe kryeministrin Edi Rama si edhe zonjën Vilma Nushi.

LEXONI GJITHASHTU:

• Ilir Beqja kërkon pasqyrim me powerpoint, debate të ashpra në komisionin hetimor
• Komisioni Hetimor për Shëndetësinë thërret për të dëshmuar kryeministrin Rama