“Më pyesin a kam të dashur”- gazetarja zbulon bisedën e të bijës 10 vjeç me shoqet

Gazetarja Eneida Xhelili tregoi në një intervistë për “Good morning Albanians” në Euronews Albania se vajza e saj 10-vjeçare i tregon për shoqet që kanë të dashur.

Sipas saj, e bija nuk e pranon një model të tillë duke thënë se është shumë herët për të krijuar një lidhje dashurie. Ndërsa sipas psikologes Denata Toçe, fakti që 10-vjeçarja tregon për të tilla situata, pavarësisht se refuzon, në fakt i pëlqen.

“Diskutojmë se çfarë ndodh në klasë, çfarë flasin shoqja me shoqen, çfarë diskutojnë shoqet e tjera dhe më thotë ‘mami ato kanë filluar të flasin për të dashur’. Franka është 10 e gjysmë, është në klasën e pestë, sepse e kam futur në shkollë 6 vjeç. Ajo e konsideron veten akoma fëmijë dhe menjëherë del nga argumenti,” – tregoi Xhelili.

Debati u hap në një diskutim për puthjen e fëmijëve në buzë që i ndan prindërit në dy grupe: ata që e shohin si krejt normale dhe grupi i dytë, që e kundërshton në mënyrë kategorike një gjest të tillë.

Ekspertët thonë se në moshën 2-3 vjeçare fëmija e percepton veten si të ndarë nga prindërit dhe ata si të veçuar nga njëri-tjetri, si dhe fëmijët nga të rriturit. Kështu në këtë moshë, puthja e fëmijës në buzë mund të sjellë konfuzion.

LEXONI GJITHASHTU:

• E kam puthur djalin tim në buzë dhe pse dikur isha kundër, stilistja flet hapur
• Puthja e fëmijëve në buzë, gabim apo shenjë dashurie?