Me qese në duar dhe e qetë, publikohet foto e kenianes ditën që u rrah barbarisht

Këtë të shtunë policia e Tiranës shoqëroi në komisariat shoferin e kazinosë ku punonte 22-vjeçarja Joy Aoko, e cila u dhunua barbarisht në Tiranë me 13 gusht 2022.

Rodri Baçi ishte ndër personat e fundit që dyshohet të ketë patur kontakt me 22-vjeçaren dhe ndaj ai pritet të merret në pyetje.

Euronews Albania ka siguruar foton e ditës së ngjarjes kur Joy u rrah barbarisht dhe u gjetë e dëmtuar rëndë në katin e parë të pallatit ku banonte.

Nga pamjet ajo shihet e shoqëruar nga një vajzë tjetër, teksa në duar mbajnë disa çanta të ndryshme.

Burime nga grupi hetimor bëjnë me dije se pritet të rimerren në pyetje dhe personat e tjerë që kanë patur kontaktet e fundit me 22-vjeçaren, përfshirë dhe shoqen e saj të dhomës.

Joy ndodhej e shtruar në spital që prej 14 gushtit të vitit 2022. 22-vjeçarja kishte ardhur në Shqipëri për të punuar në një kazino, por ajo ndërroi jetë në Kenia 6 muaj pas rahjes brutale në Tiranë.

LEXONI GJITHASHTU:

• EMRI/ Shoqërohet shoferi i kazinosë ku punonte 22-vjeçarja keniane
• Gazetarja akuza të forta: Familjarë të ministrave fshihen pas vdekjes së kenianes
• Flori Gjini rrëfen bisedën me të ëmën e kenianes së vrarë në Tiranë