Pasditen e sotme Kreu i Rithemelimit, Sali Berisha ka thirrur mbledhjen e Këshillit Kombëtar.
Në fjalën e tij në këtë mbledhje të parë pas zgjedhjeve lokale, Berisha tha se me Edi Ramën nuk ka zgjedhje të lira dhe se misioni kryesor i tyre është rikthimi i votës së lirë për qytetarët.
Ai i cilësoi zgjedhjet e 14 majit si farsën më të madhe elektorale në historinë e pluralizmit shqiptar.
“Këtu kemi raportin, i cili shkon mbi 600 faqe, do publikohet në dy vëllime, i cili është nisur me pjesë e kapituj në qendrat e specializuara të zgjedhjeve të lira dhe do paraqitet dhe shpërndahet kudo në botë si dëshmi se zgjedhjet e 14 majit ishin farsa më e shëmtuar elektorale në historinë e pluralizmit shqiptar. Ato ishin zgjedhjet e para, në të cilat për herë të parë armiku i egër i votës së lirë të shqiptarëve, shpalli publikisht si kinezëri Kodin Zgjedhor, asgjësoi çdo mbrojtje që ky kod u garanton pjesëmarrësve në garën elektorale. Së bashku me Kodin Zgjedhor, Edi Rama shkelmoi të gjithë kriteret dhe parimet kushtetuese. Edi Rama vendosi pabarazinë më ekstreme mes subjekteve zgjedhore në farsën elektorale. Ai i mori PD-së vulën dhe logon me një vendim antiligjor dhe ia dha patericës së tij, Brava-Alibeaj”, tha Berisha.
LEXONI GJITHASHTU:
- Haklaj zbardh skenarin: Berisha mbron Ahmetaj, që të mos preket Rama
- Berisha mbledh Këshillin Kombëtar, diskutohet aksioni opozitar në shtator
