English

Më shumë birra, më pak kafe! Çfarë u importua më shumë në periudhën janar-mars 2024

KOMENTE

SHPERNDAJE
ARTIKULLIN

Text sizeAa Aa

Në tremujorin e parë të vitit, produktet e importit me akcizë si birra dhe karburanti shënuan rritje në import për tonelata, ndërkohë kafja e importuar është në ulje. Kërkesa e lartë e këtyre produkteve duket se është e nxitur nga turizmi I shtuar në vend

- Advertisement -

Shqiptarët konsumojnë më shumë birrë se kafe. Nëse nga një anë dyshimi nëse janë shqiptarë apo turistët e shumtë të huaj që kanë nxitur këtë trend konsumi mbetet një spekulim, shifrat e importit të dhëna nga INSTAT nga ana tjetër dëshmojnë për një rritje dyshifrore të importit të birrës në tre muajt e parë të vitit.

Të dhënat tregojnë se importet e birrës u rriten në tremujorin e parë me rreth 19%. Gjithsej u importuan 9600 tonë birrë nga 8100 në të njëjtën periudhë të vitit të kaluar. Vitet e fundit importet e birrës janë rritur me shpejtësi duke zënë një pjesë të konsiderueshme të tregut.

Birrat e huaja që shiten të tregun tonë, kanë dëmtuar prodhimin vendas të artizanëve lokal të birrës. Pesha e birrave të importuara sot zë në 60% të tregut, nga 44% që ishte një dekadë më parë.

Nga ana tjetër kafeja e importuar ka shënuar ulje. Në tre mujorin e pare të vitit janë importuar 1555 tonë kafe nga 1835 tonë në të njëjtën periudhe të vitit 2023. Importet e kafesë dhe cigareve kanë luhatje të mëdha mujore. Këto të fundit gjithashtu kanë shënuar rritje, ku importi i cigareve u rrit me rreth 2.3%.

Duket se produktetet e importit të mallrave të akcizës vijuan në rritje me ritme të larta këtë fillim vitit. Ato kanë ndjekur trendin e importit të kategorive të tjera si ushqime dhe lëndë djegëse. Në tre muajt e parë të vitit, importet e ushqimeve u rritën me 22%, ndërkohë që dhe karburantet u rritën me 7.1%.

Të dhënat zyrtare nga Ministria e Financave tregojnë se gjatë periudhës janar-mars të këtij viti, u importuan 137,541 tonë karburante nga 128,319 tonë vitin e kaluar. Ky ishte niveli më i lartë i importit që nga e njëjta periudhë e vitit 2021.

Në përgjithësi turizmi i shtuar që ka rezultuar në Shqipëri, ka nxitur kërkesën e lartë për mallra konsumi dhe lëvizje, kërkesë kjo e cila nuk plotësohet dot nga oferta e brendshme e prodhimit vendas.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?