Datëlindja e Skënderbeut/ 5 monumente të reja në Europë në nder të Heroit Kombëtar

6 maj 1405 përkujtohet si ditëlindja e heroit kombëtar shqiptar, Gjergj Kastrioti Skënderbeu.

Por 619-vjetori i përkujtimit të lindjes së Skënderbeut është festuar me përurimin e disa monumenteve të reja në disa qytete të ndryshme të Europës dhe Ballkanit.

2 buste të rinj dhe një shtatore e Skënderbeut janë vendosur në komunat arbëreshe në jug të Italisë. San Sofia, San Basile dhe Zangarona në rajonin e Kalabrisë janë tre qytezat që do të kenë nga një monument të heroit kombëtar.

Gjatë këtyre ceremonive i pranishëm ka qenë edhe presidenti Bajram Begaj.

Por jo vetëm në Itali, Gjergj Kastrioti do të ketë një bust të ri edhe në Hungari. Pas atij që është në parkun qendror të Budapestit, kryeqytetin hungarez, një bust i Skënderbeut është përuruar edhe në qytetin e Eger.

Gjithashtu një monument madhështor i Skënderbeut është përuruar pak ditë më parë edhe në Gjakovë, ku të pranishëm ishin drejtues lokal të pushtetit vendor.

Sakaq, qyteti i radhës europian që do të ketë një shtatore të heroit kombëtar të shqiptarëve, pritet të jetë Parisi. Lajmi u dha gjatë një vizitë të kryebashkiakut të Tiranës Erion Veliaj në Parisë, vetëm pak ditë më parë.

Për të kujtuar datën e lindjes së Gjergj Kastriotit në Shqipëri dhe Kosovë janë mbajtur disa ceremoni përkujtimore.

LEXONI GJITHASHTU: 

• 10% e adoleshentëve përdorin kanabis, Shqipëria e 25-ta mes 44 shteteve europiane
• Hamasi bën bilancin: Mbi 34 mijë palestinezë të vrarë në Gaza që nga 7 tetori