Më shumë francezë mbështesin rikthimin e shërbimit të detyrueshëm ushtarak

Rezultatet e një sondazhi të kryer nga e përditshmja rajonale “Ouest France” tregojnë se rifutja e shërbimit të detyrueshëm ushtarak në Francë ka një numër gjithnjë e më të madh mbështetësish.

Mundësia e rifillimit të shërbimit të detyrueshëm ushtarak, të cilin qeveria franceze nuk e ka përmendur tani për tani, ka 72 për qind të mbështetësve mbi moshën 65 vjeç dhe 43 për qind të francezëve të moshës 18 deri në 24 vjeç, raportoi sot televizioni BFM.

Gjashtë nga 10 francezë, ose 61 për qind e të anketuarve francezë – kryesisht simpatizues të së djathtës dhe të djathtës ekstreme – janë në favor të rivendosjes së një forme të shërbimit të detyrueshëm ushtarak.

LEXONI GJITHASHTU:

• Gazetarja shqiptare në Francë: Putini po përgatit një ofensivë të re
• Ministri francez urdhëron izolim ‘hermetik’ për 200 të burgosur të rrezikshëm