Më shumë se 3500 viktima nga tërmeti në Mianmar: Ekipet e shpëtimit ende në terren

Një përpjekje e gjatë për të gjetur të mbijetuar nga tërmeti shkatërrues që goditi Mianmarin më 28 mars u ndërpre të hënën, teksa numri i të vdekurve nga katastrofa që kalonte 3,500 dhe po rritet, raportoi sot AP.

Shërbimi Zjarrfikës i Mianmarit njoftoi sot se ekipet e shpëtimit kanë nxjerrë 10 trupa nga rrënojat e një ndërtese të shembur në Mandalay, qyteti i dytë më i madh i Mianmarit.

Grupet e shpëtimit nga Singapori, Malajzia dhe India thuhet se janë kthyer në vendet e tyre pasi mbaroi puna e tyre për të gjetur të mbijetuar dhe numri i ekipeve të shpëtimit që operojnë në zonat e banuara të Naypyidaw po zvogëlohet vazhdimisht, sipas AP.

Tërmeti me magnitudë 7.7 goditi një zonë të gjerë të vendit, duke shkaktuar dëme të konsiderueshme në gjashtë rajone dhe shtete. Tërmeti la shumë zona pa energji, lidhje telefonike apo celulare dhe dëmtoi rrugë dhe ura, duke e bërë të vështirë vlerësimin e shkallës së plotë të shkatërrimit.

LEXONI GJITHASHTU:

• Mianmari në emergjencë: Mbi 3300 viktima pas tërmetit, 5 mijë të plagosur
• Tërmeti në Mianmar/ Mbi 3000 persona kanë humbur jetën, qindra janë zhdukur