“Më të kujdesshëm me progres-raportin”, Vino: Gazetarët vijojnë të kërcënohen

Blerjana Bino, drejtuese e rrjetit “Safe Journalist”, ka komentuar progres raportin e Komisionit Evropian për Shqipërinë në vitin 2023.

E ftuar në emisionin “Review” në Euronews Albania, ajo theksoi se duhet të jemi pak më të kujdesshëm kur themi që raporti kishte një vlerësim shumë të mirë për Shqipërinë.

Mes tjerash ajo sqaroi se çfarë thuhej në raport për mediat, duke nënvizuar faktin se gazetarët në vendin tonë vijojnë ende të kërcënohen.

“Duhet të jemi më pak të entuziazmuar që është raporti më i mirë dhe vlerësim shumë i mirë për Shqipërinë. Siç ndodh dhe shpesh në raportet e KE, gjuha është e interpretueshme. Tre janë elementët kryesorë që na bëjnë të jemi të shqetësuar për nivelin demokratik dhe ekonomik në vend. Raporti ngre me zë të lartë krimin e organizuar, rolin e parlamentit dhe elementi tjetër është shoqëria civile dhe media. Thotë që ka një progres të kufizuar dhe i referohet dy ndryshimeve, njëri është ndryshim ligjor, përshtatja e ligjit për mediat audiovizive me derektivë për gjuhën seksiste. Ndërkohë të gjitha fushatë e tjera që janë themelore për lirinë e shprehjes dhe lirinë e medias në Shqipërinë mbeten problematike. Mediat përdoren si instrument për të avancuar interesat e biznesit të pronarit shpeshherë dhe të ndërthurura me krimin e organizuar”, tha Bino.

LEXONI GJITHASHTU: 

• Balluku: Duhet zgjidhur menjëherë problemi për ilaçet e fëmijëve me kancer
• Lufta Izrael-Palestinë, Hasani: Një nënë me 4 fëmijët lënë territorin e Gazës