“Më ushtruan presion në gjoks mbeta pa frymë”, Gjekmarkaj flet i shtrirë nga spitali

Deputeti Agron Gjekmarkaj, i cili u largua nga protesta e opozitës këtë të hënë për shkak të përkeqësimit të gjendjes shëndetësore, ka thënë nga spitali i Traumës, se është dhunuar nga efektivë të policisë.

Në një video të publikuar në “Now me Erla Mëhillin” brenda ambienteve të spitalit ku ndodhet i shtruar Gjekmarkaj, ky i fundit ka thënë para kryetarit të Partisë Demokratike, se ka qenë i mbështetur në një makinë, kur efektivët e kanë dhunuar.

Sipas tij ata i kanë ushtruar presion në gjoks duke e lënë pa frynë, ndaj edhe ka humbur ndjenjat gjatë protestës.

“Isha i mbështetur në një makinë. U thash jam profesor në fakultet, mos më shtyni, mos më provokoni. As nuk më panë në sy, më shtynë sikur të isha leckë. Më ushtruan presion në gjoks dhe mbeta pa frymë”,-tha Agron Gjekmarkaj.

LEXONI GJITHASHTU:

• Iku me urgjencë nga protesta, dalin pamjet e Gjekmarkaj në spitalin e Traumës
• “Gjekmarkaj nuk u godit” – Policia reagon pas pretendimeve të PD