Protesta e opozitës është pasqyruar edhe në dy agjencitë ndërkombëtare të medias, Associated Press dhe Reuters.

Mediat e huaja raportojnë për akuzat e opozitës ndaj qeverisë Rama, por edhe për faktin se Partia Demokratike nuk ishte e plotë, për shkak të shpalljes non grata të liderit të saj, Sali Berisha.

Agjencia e lajmeve Reuters, në titullin e saj ka cilësuar se opozita ka protestuar kundër varfërisë dhe korrupsionit.

E ndërsa Associated Press ka vënë në dukje akuzat e opozitës kundrejt kryeministrit Rama për çështjen McGonigal. Gjithsesi nuk lë pa theksuar se opozita nuk ishte e plotë në protestën e të shtunës, kjo për shkak të ndarjes brenda Partisë Demokratike.

Mediat e huaja nuk kanë kaluar pa përmendur edhe incidentin me  tymuese të hedhura nga protestuesit përpara kryeministrisë, ku gjendeshin forcat e policisë.

Shkrimin e tij Digital Journal e ka nisur me thirrjen nga opozita dhe mbështetësit e saj, për dorëheqje të Edi Ramës nën argumentin e korrupsionit dhe zhytjes së vendit në varfëri.

Edhe Washington Post ka ripublikuar raportimin e bërë më parë nga Associated Press.

LEXONI GJITHASHTU:

• Mediu: Pjesëmarrja në protestë ishte e lartë, çfarë është e rëndësishme
• Braimllari: Protestat do të vijojnë deri në rrëzimin e Edi Ramës