“Mediat greke kanë 2 standarde kur bëhet fjalë për shqiptarët”, flet gazetari

Një ngjarje e rëndë ka ndodhur në Greqi, ku një shqiptar ka abuzuar seksualisht me një të mitur 13 vjeçare. I ftuar në “Good Morning Albanians” gazetari Etmond Guri tha se mediat greke punojnë me dy standarde kur vjen puna për shqiptarët e përfshirë në krime.

Sipas tij  në raste kur ata janë të përfshira në këto ngjarje emri dhe identiteti i tyre gjendet lehtësisht në çdo media, kjo nuk ndodh nëse në krime përfshihen shtetas grekë.

“Është e qëllimshme dhe po ju them një rast, kur ndodhi vrasja me gjakftohtësi e një babai shqiptar nga ana e një personi grek, mediat greke jo vetëm që nuk e përmendën fare që një grek vrau një shqiptar, por me një pafytyrësi të madhe jepnin viktimën e shtrirë përtokë, të mbuluar me gjak që ta shikonin fëmijët e tij e të afërmit dhe nuk jepnin fytyrën apo identitetin e shtetasit grek. Madje e paraqitën edhe si të sëmurë mendor”,-tha gazetari Etmond Guri.

LEXONI GJITHASHTU:

• Gazetari: Shqiptari kishte lidhje me 13-vjeçaren në Greqi, por abuzoi seksualisht
• E rëndë në Greqi/ Shqiptari abuzon seksualisht me vajzën e mitur