Megaoperacioni i SPAK, Berisha: U arrestuan krerët e krimit të lidhur me shtetin

Ish-kryeministri Sali Berisha, komentoi gjatë një deklarate për media këtë të enjte, megaoperacionin e SPAK ku u arrestuan ish-drejtori i Forcave Operacionale, Oltion Bistri, biznesmeni Pëllumb Gjoka, si dhe drejtuesi i prokurorisë së Kukësit Xhevahir Lita.

Berisha i cilësoi dy prej personave të ndaluar si lidhje direkete të kryeministrit Rama. Sipas tij ish-zyrtari i policisë Oltion Bistri është një përbindësh i krimit, i lidhur me kupolën qeverisëse.

Ndërsa akuza hodhi dhe për përfitimin e tenderave publikë nga biznesmeni Xhevahir Lita.

“Krahas shkarkimit të Damian Gjiknurit, numrit dy të PS, sot është njoftuar arrestimi i disa krerëve të botës së krimit shtetëror dhe të lidhur me shtetin.

Sot është arrestuar Pëllumb Gjoka, një nga banditët kryesorë, një njeri, i cili me ndihmën e Edi Rramës, ka grabitur rreth 100 mijë metra katrorë në Velipojë. Akuzohet edhe për vrasje njerëzish.

Pëllumb Gjoka ka një motel këtu, të cilit Edi Rama i ka dhënë apo donte t’i jepte pesë yje dhe kazino.

Pëllumb Gjoka ishte po kaq i afërt me Edi Rramën sa Damian Gjiknuri.

Por mbi Pëllumbin ishte Bistri.

Bistri është një nga eksponentët e krimit në Shqipëri dhe Ballkan. Ai drejtonte Drejtorinë Operacionale të Policisë së Shtetit. Oltion Bistri është një përbindshëm i krimit.

Nga hajdut ordiner te autor i të gjitha llojeve të dhunimit të ligjit.

Ai zbatonte urdhrat e prokurorisë për arrestimin e bashkëpunëtorëve të tij në krim, ndaj edhe ata ia mbathnin lirshëm se njoftoheshin para se të ekzekutohej urdhri.

Të gjithë ata që zbatojnë ligjin, do kenë mbështetjen e plotë të PD”, tha Berisha.

LEXONI GJITHASHTU:

• Nga Olti Bistri, te prokurori Xhevahir Lita, kush janë zyrtarët e arrestuar nga SPAK
• Balla përgëzon operacionin: Janë arrestuar kriminelë, zyrtarë policor e prokurorë
• EMRATl Megaoperacioni i SPAK, arrestohet prokurori, biznesmeni dhe zyrtarë policor