“Meloni nuk tërhiqet”, deputeti italian: Do vijojmë marrëveshjen për emigrantët

Gjykata e Romës vendosi një ditë më parë pezullimin e qëndrimit në qendrën e Gjadrit për 7 emigrantët e ardhur disa ditë më parë në vendin tonë, të cilët menjëherë pas këtij vendimi u rikthyen në Itali.

Deputeti i partisë Vëllezërit e Italisë, Giangiacomo Calovini tha në një intervistë për Euronews Albania se qeveria italiane nuk do të tërhiqet nga marrëveshja që ka nënshkruar me qeverinë shqiptare për emigrantët që vijnë nga Lindja e Mesme.

“Në Itali sot jetojnë 5-6 mln emigrantë dhe ka Italia ka bërë në nivel evropian një thirrje për ta trajtuar çështjen migratore në Bruksel, pasi shumica e emigrantëve që mbërrijnë në Itali kërkojnë të shkojnë në vende të tjera evropiane. Meloni erdhi në pushtet duke u përpjekur t’i jepte një zgjidhje kësaj çështjeje që ka krijuar shumë probleme sa i takon sigurisë së kufijve kombëtarë. Për këtë arsye mes qeverisë Meloni dhe qeverisë Rama u nënshkrua një marrëveshje…Për një vend mik si Shqipëria që synon anëtarësimin në BE këto ditë u përball me disa vendime juridike. Ne do të vazhdojmë me rrugën tonë për të arritur konkretizimin e kësaj marrëveshjeje”, tha ai.

LEXONI GJITHASHTU:

• Gjykata e Romës vendos të hënën për 7 emigrantët e sjellë në Shqipëri
• Pas vendimit të Gjykatës, emigrantët largohen nga kampi i Gjadrit