Suela Koçibellinj, aktiviste për të mbrojtur të drejtat e fëmijëve, ishte këtë të mërkurë e ftuar në “Good Morning Albanians” për të folur rreth rrëmbimit të të miturit në Durrës nga gjyshërit e tij.
Sipas saj nisja e konfliktit vjen si pasojë e mentalitetit, pasi gjyshërit pretendojnë se kanë të drejt të mbajnë djalin pasi ai është trashëgimtari i mbiemrit të djalit të tyre të ndjerë.
“Të gjithë duhet të merren në pyetje se ku e kanë parë këtë fëmijë herën e fundit. Më duket sikur po bëjmë përralla e nuk gjejmë zgjidhjen e vërtetë. Nisja e ngjarjes është te mentaliteti. humbja e djalit për familjen ka qenë shumë traumë.
Në këto zona, në Shqipërinë e veriut kryesisht edhe kur çifti divorcohet, ata kanë gjithmonë tendencën të mbajnë fëmijën, sepse fëmija është i djalit dhe nusen e përzënë. E dyta nuk mund të pretendojnë dy të moshuar të mbajnë nusen 21 vjeçare në shtëpi dhe ajo të mos e ketë më jetën e saj. Që këtu kemi një mentalitet të gabuar, “ta mbajmë se do mbajmë djalin e djalit” .
Fakti që nusja është shkëputur, ata duan që djalin ta mbajnë se djali ka mbiemrin e tyre, është trashëguesi i tyre. Por djali është i nënës së vet që që e ka sjellë në jetë dhe i djalit të tyre që fatkeqësisht ndërroi jetë”,-tha aktivistja.
LEXONI GJITHASHTU:
